19 տարեկան եմ։ Ծնվել և մեծացել եմ Երևանում։ 2007-2016թթ. սովորել եմ հ.186 միջնակարգ դպրոցում, ապա 2016-2019թթ. ուսումս շարունակել եմ ՀԱԱՀ վարժարանում՝ տնտեսագիտական հոսքում՝ չնայած գրականության հանդեպ ավելի մեծ սեր եմ ունեցել։
2019թ.-ին ընդունվել եմ Երևանի պետական համալսարանի ժուռնալիստիկայի ֆակուլտետ, որ դեռ մանկուց երազանքներիս մասնագիտությանը հասնելու փոքր նպատակներից է եղել։
Շատ եմ սիրում լուսանկարել մարդկանց ու ամեն բան։ Եթե լրագրող ավելի շատ չցանկանայի դառնալ, ապա գուցե լուսանկարչի մասնագիտությունը ընտրեի։ Այժմ ցանկանում եմ այդ երկուսը համատեղել։
2020թ.-ին փորձաշրջան եմ անցել մի քանի լրատվական կայքերում։ Համակուրսեցիներիցս տեղեկացել եմ Հետք Մեդիա Գործարանում սովորելու հնարավորության մասին ու անմիջապես լրացրել հայտը՝ հույս ունենալով, որ մի օր կդառնայի այդ մեծ թիմի անդամը։
Վստահ եմ՝ Հետք Մեդիա Գործարանում նորանոր գիտելիքներ, լավ ընկերներ ու մեծ ձեռքբերումներ են ինձ սպասվում։
Ցանցի մեջ
Նալբանդյան 106/1, Սայաթ-Նովա բիզնես կենտրոն, Երևան, 0001: