«…Պոետ և փիլիսոփա, երաժշտագետ, աշխարհագետ, սուսերամարտիկ, նաև հեգնաբան, ինչպես ճամփորդ օդային, այլև սիրահար, բայց ոչ իր օգտին Հերկյուր-Սավինիեն Սիրանո դը Բերժերակ, որ ամեն ինչ էր…. և միայն Ոչինչ…»:


Էդմոն Ռոստանի այս տողերը ավաղ իմ մասին չեն, բայց կան ընդհանուր եզրեր:

ԵՊՀ աշխարհագրության և երկրաբանության ֆակուլտետ՝ աշխարհագրության բաժին, ուսման կեսից պարտադիր զինվորական ծառայություն (բանակի գերազանցիկ կրծքանշան, ավագ զինվորական կոչում)։


Մեկնում երկրից, երկար ճամփորդություն, որոնումներ (այդ ընթացքում հասցրի լինել շինարար, խոհարար, ձեռներեց..)։


24 տարեկանում` վերադարձ Երևան, երաժշտություն, ալտ: 25 տարեկանում ընդունվեցի Երևանի պետական կոնսերվատորիա: Կոնսերվատորիական ընկերներով կազմեցինք «Վելվետ» լարային քառյակը, ստեղծեցինք «Ad

libitum» ազատ արվեստակիրների ուսանողական նախաձեռնությունը:


Ավարտելուց հետո՝ գումարելով բոլոր հակումները, նոր ներքին պահանջմունքները, մղումները ստացվեց մի հանրագումար՝ ժուռնալիստիկա, «մասնագիտություն, որ ձեզ կպահի երիտասարդ ու ապստամբ՝ ձեր ողջ կյանքի ընթացքում» (Խորխե Ռամոս):


Այս նոր ճանապարհի վրա, փորձերի ու որոնումների անորոշության մեջ Հետք Մեդիա Գործարանում սովորելու հնարավորությունը հայտնվեց փարոսի պես, որպես «մի բան, որ իրոք շատ ես ուզում, լինում է»։

Հետևի՛ր մեզ


Գաղտնիության քաղաքականություն | Գործընկերներ

© Բոլոր իրավունքները պատկանում են Հետք Մեդիա Գործարանին: Մեջբերումներ անելիս՝ հղումը mediafactory.am-ին պարտադիր է։
+374 44 20 20 48 Նալբանդյան 106/1, Սայաթ-Նովա բիզնես կենտրոն, Երևան, 0001: