Ես կրթությամբ արվեստաբան եմ և արվեստի վերաբերյալ տեսական գիտելիքներից բացի` ինձ հետաքրքիր են նաև դրա պրակտիկ գործունեության ձևերը: Արվեստաբանության ոլորտում ունեցած բակալավրի ու մագիստրոսական կրթությանը զուգահեռ սկզբնական շրջանում կատարել եմ նաև այս ոլորտին առնչվող կամավորական աշխատանքներ:

2016 թվականին աշխատել եմ «Լուսադարան» հայկական լուսանկարչության հիմնադրամում որպես «Լուսանկարչության կրտսեր հետազոտող», որտեղ հիմնականում զբաղված եմ եղել տարբեր ամսագրերում հայկական լուսանկարչության պատմությանը վերաբերող կարևոր նյութերի հավաքագրմամբ և տարեգրության ստեղծմամբ՝ լուսանկարչության հայտնագործումից ի վեր:


2017-2019թթ. աշխատել եմ Թումո ստեղծարար տեխնոլոգիաների կենտրոնում որպես ուսուցանող մարզիչ, որտեղ էլ հնարավորություն ունեցա մասնակիցը լինել հիմնականում մեդիա արտ ոլորտներին առնչվող դասընթացներին ու ծանոթանալ տարբեր ծրագրերի:


2019-2020թթ. իմ հաջորդ աշխատանքային վայրում՝ «ՌԶԳ» ՀԿ-ում, ես աշխատեցի որպես մուլտիմեդիա մասնագետ, որի ընթացքում էլ շրջագայել եմ Հայաստանի տարբեր գյուղական համայնքներում և ինձ համար բացահայտել նոր լանդշաֆտներ ու վայրեր:


Իսկ Հետք Մեդիա Գործարանում սովորելու ամենամեծ շարժառիթն այն է,, որ ցանկանում եմ ստեղծել պատմություններ մուլտիմեդիա ձևաչափով և ձեռք բերել վիզուալ պատում ստեղծելու համար անհրաժեշտ գիտելիքներ ու հմտություններ:

Աշխատանքներ

Հետևի՛ր մեզ


Գաղտնիության քաղաքականություն | Գործընկերներ

© Բոլոր իրավունքները պատկանում են Հետք Մեդիա Գործարանին: Մեջբերումներ անելիս՝ հղումը mediafactory.am-ին պարտադիր է։
+374 44 20 20 48 Նալբանդյան 106/1, Սայաթ-Նովա բիզնես կենտրոն, Երևան, 0001: