Անի Հովհաննիսյան

Ես լրագրող եմ, ղեկավարում եմ Հետք Մեդիա Գործարանի թիմի աշխատանքները։ Ես պատասխանատու եմ թիմի անդամների և ուսանողների ազատ ինքնարտահայտման միջավայրի ապահովման համար։ Հետք Մեդիա Գործարանն ինձ համար կրթվելու, ստեղծագործելու, համագործակցելու և ստեղծելու վայր է։   

 

2009թ-ից աշխատում եմ «Հետաքննող լրագրողներ» ՀԿ-ում՝ սկզբում որպես բլոգեր, այնուհետև որպես մուլտիմեդիա պատմություններ պատմող և տվյալներ ուսումնասիրող լրագրող։

 

Իմ (համա)հեղինակած հոդվածների արդյունքում քրեական պատասխանատվության է ենթարկվել գիշերօթիկ դպրոցի տնօրեն՝ յուրացումներ անելու համար, բացահայտվել է Երևանում գործող կազմակերպված հանցավորության խումբ, վերանայվել և փոփոխվել են որոշումներ։

 

Մասնակցել եմ Կազմակերպված հանցավորության և կոռուպցիայի լուսաբանման նախագծի «Տրոյկա լանդրոմատ» միջազգային հետաքննությանը, որն արժանացել է 2020թ-ի Սիգմա մրցանակին՝ որպես տվյալների լրագրության լավագույն օրինակ։  

 

2016 – 2018թթ.-ին Ֆուլբրայթ ծրագրի շնորհիվ սովորել եմ ԱՄՆ Արևմտյան Վիրջինիայի համալսարանի լրագրության մագիստրատուրայում։ Որպես ավարտական աշխատանք հիմնել եմ «Հետքի» տվյալների լրագրության թիմը, և միասին ստեղծել ենք հայ պաշտոնյաների ունեցվածքի հայտարարագրերի բաց տվյալների շտեմարանը՝ data.hetq.am-ը։ Իմ համահեղինակած երկու հետազոտական հոդվածներ արժանացել են առաջին և երկրորդ մրցանակների՝ ԱՄՆ Հեռարձակման կրթական ասոցիացիայի գիտաժողովի շրջանակում։ 

 

2011 – 2012թթ-ին սովորել եմ Վրաստանի հանրային կապերի ինստիտուտի (GIPA) լրագրության մագիստրատուրայում։ 2010 – 2011թթ.-ին իրականացրել եմ Եվրոպական կամավորական ծառայություն՝ Լիտվայի Վիևիս գյուղի սոցիալապես ծանր իրավիճակում հայտնված երեխաների ցերեկային կենտրոնում։ 2006 – 2010թթ.-ին սովորել եմ ԵՊՀ Ժուռնալիստիկայի ֆակուլտետում։ 

Հետևի՛ր մեզ


Գաղտնիության քաղաքականություն | Գործընկերներ

© Բոլոր իրավունքները պատկանում են Հետք Մեդիա Գործարանին: Մեջբերումներ անելիս՝ հղումը mediafactory.am-ին պարտադիր է։
+374 44 20 20 48 Նալբանդյան 106/1, Սայաթ-Նովա բիզնես կենտրոն, Երևան, 0001: