Մայիս 1-ը՝ ԽՍՀՄ պատգամավոր հարևանուհուս հետ

Եթե մի օր ինձ հյուր գաք, ու մեր տուն բերող ճանապարհի տներից մեկի առաջ նստած, անցորդների հետ զրուցող տատիկ տեսնեք, իմացեք, հարևանուհիս է՝ Անահիտ Բաղդասարյանը. սոցիալիստական աշխատանքի հերոս, Լենինի մեդալակիր, խորհրդային միության պատգամավոր, իսկ մեր գյուղում՝ պարզապես Անիկ տատի։ ԽՍՀՄ փլուզումից հետո մայիսի 1-ը նրա համար մեծ տոն է՝ շքերթներն ու իր աշխատանքային անցյալը հիշելու ու նկարներ թերթելու համար։ Այս տարի մոբայլ լրագրությանս ավարտական աշխատանքը կատարելու համար որոշեցի իր հետ անցկացնել իր համար այդքան կարևոր օրը։