Մեր նախագծերը

Վայոց ձորի մոռացված գյուղերի անորոշ ապագան

Այցելել ենք Վայոց ձորի՝ 100-ից պակաս բնակիչ ունեցող բնակավայրեր, «գույքագրել», ներկայացրել դրանց աշխարհագրությունը, ենթակառուցվածքները, մարդկանց կյանքը։ Փորձել ենք նաև հասկանալ՝ արդյոք դիտարկվո՞ւմ են այս գյուղերը արցախցիների հնարավոր վերաբնակեցման համար, և ինչ է արվում այդ ուղղությամբ։

Այցելել կայք

WikiGraphers. վիզուալացնելով ազատ գիտելիքը

Ներկայիս վիզուալ դարաշրջանում, երբ մարդիկ ինֆորմացիան ընկալում են պատկերների միջոցով, անհրաժեշտություն է առաջանում գիտելիքը «փաթեթավորել» ժամանակի պահանջներին և կարիքներին համահունչ։ Իլյուստրացիաները, ինֆոգրաֆիկաները, անիմացիան, քարտեզները մեծածավալ ինֆորմացիան ավելի դյուրընկալելի և բոլորին հասանելի դարձնելու միջոցներ են։ Հետք Մեդիա Գործարանը, նպատակ ունենալով նպաստել ազատ գիտելիքի ստեղծմանն ու տարածմանը, նախաձեռնել է Հայերեն Վիքիպեդիայի հոդվածների վիզուալացման նախագիծ, որի շրջանակներում մասնակիցները սովորում են վիզուալացման ժամանակակից գործիքներ՝ ամենամեծ օնլայն հանրագիտարանի բովանդակությունն ընթերցողներին ավելի մատչելի ձևով ներկայացնելու համար։ Նախագիծն իրականացվում է Վիքիմեդիա Հիմնադրամի աջակցությամբ։

Լսարանի ճանաչում և թվային աջակցություն

Ծրագրի շրջանակում իրականացվել է Հետքի և Հետք Մեդիա Գործարանի ընթերցողի ճանաչում և դրամահավաքի արշավի կազմակերպում։ Արդյունքում՝ ընթերցողի աջակցությամբ Հետք Մեդիա Գործարանի թիմն իրականացրել է աշխատանքային իրավունքների վերաբերյալ հետաքննություն։ Ծրագիրն իրականացվել է Մեդիա նախաձեռնությունների կենտրոնի դրամաշնորհի շրջանակում։

Այցելել կայք

Սևանա լճի բնապահպանական խնդիրները. ինտերակտիվ հետազոտություն

Հետք Մեդիա Գործարանի ուսանողներն ու դասախոսները համատեղ ուսումնասիրել են Սևանա լճի ծաղկման պատճառները։ Ներկայացրել ենք լիճը թափվող գետերի ջրի որակը, ինչպես նաև կից բնակավայրերի սոցիալ-տնտեսական կյանքի մասին պատմություններ՝ ինտերակտիվ քարտեզի միջոցով։ Նաև դրոնի բարձրությունից ուսումնասիրել և քարտեզով ցույց ենք տվել լճի շուրջը հավաքված կենցաղային և տնտեսական աղբը։ Նախագիծը պատրաստվել է ԱՄՆ դեսպանատան և Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի հետ համագործակցությամբ։

Այցելել կայք

Կոռուպցիայի լուսաբանման երեկոյան դպրոց

Հետք Մեդիա Գործարանը, կարևորելով կոռուպցիայի վերաբերյալ իրազեկվածության բարձրացման անհրաժեշտությունը, իրականացրեց «Կոռուպցիայի լուսաբանման երեկոյան դպրոց» նախագիծը, որի նպատակը համագործակցային միջավայրի ստեղծումն էր, որտեղ կոռուպցիա լուսաբանող լրագրողները, քաղաքացիական հասարակության ներկայացուցիչները և որոշումների կայացման համար պատասխանատու պետական ապարատի աշխատակիցները միասին ուսումնասիրել են «կոռուպցիա» երևույթը, դրա դրսևորումներն ու ռիսկերը, ինչպես նաև կոռուպցիայի դեմ պայքարի մեխանիզմները։ Դասընթացի ավարտից հետո դպրոցի մասնակիցներն իրենց ստացած գիտելիքները կիրառել են գործնականում՝ հետաքննական հոդվածներ պատրաստելիս։ Ծրագիրն իրականացվել է ԱՄՆ Ժողովրդավարության ազգային հիմնադրամի (NED) աջակցությամբ։