«Արարատ-73»-ից 50 Cent. բազմամարդ և լքված «Հրազդան» մարզադաշտ

Տարիների լռությունից հետո վերջին օրերին «Հրազդան» մարզադաշտը բազմամարդ է: Խոտածածկի հատվածում հավաքվել են երաժշտասերները՝ լսելու Զազին, 50 Cent-ին կամ «Լեդ Զեփելին» սիմֆոնիկ նվագախմբին: Առաջին հայացքից անփոփոխ մարզադաշտում հայտնված հանդիսատեսը հավանաբար չի ենթադրում, թե ինչ վիճակում էր տարածքը համերգային ծրագրերից ընդամենը հաշված օրեր առաջ: «Մեծ շաբաթօրյակից» առաջ «Հրազդանի» լքված պատկերը վավերագրել են Հետք Մեդիա Գործարանի ուսանողները: Նաև հիշեցրել, թե ինչպես էր թնդում ու ցնծում մարզադաշտը Հայաստանում ֆուտբոլային բումի տարիներին: