Տրանսպորտային քաոսում շրջանցել կանոնը՝ հանուն արդարության

Երևանյան տրանսպորտային քաոտիկ ձայներին գումարվել են թելսելյան կանաչ ծլնգոցն ու կարմիր ներվեր ծակող դզզոցը։ Արդեն չորս ամիս է ճխտված ամբոխի դժգոհ բզզոցը ֆոնային է դարձել, առաջին պլանում օրինապահ և բոյկոտող ուղևորների վեճի ձայներն է։

Մարդիկ բողոքում են թանկացումից, տեխնիկական խոտանից, իշխանությունից՝ բնականաբար, բայց ամենաշատը՝ անարդարությունից. ինչո՞ւ են երեք կամ չորս օրանոց ժամկետ դրել ուղևորատոմսի վրա, ինչու են Թելսելի ավտոմատները հազարումի խնդիր ավելացնում երևանցիների կյանքին ու էլի ինչուներ։

Պատասխանատուների անհիմն հիմնավորումների հույսին չմնացած մեր զրուցակիցը ստիպված գործի է դրել հնարամտությունը՝ իրեն խաբված չզգալու և սոցիալական արդարությունը վերականգնելու համար։