Հետք Մեդիա Գործարանի ուսանողներն «Անիմացիա/Իլյուստրացիա» առարկայի շրջանակներում պատրաստել են պաստառներ տարբեր պատմությունների և պատկերացումների մասին։ Ստորև ներկայացնում ենք դրանք.
Էլեն Դանիելյան
Հետք Մեդիա Գործարանի համար որոշել էի էքպերիմենտալ պաստառ պատրաստել։ Մի քանի մոդեռն պաստառներից ոգեշնչվեցի ու ստացա, ըստ իս, Մեդիա Գործարանի ստեղծագործական միջավայրին առավել բնութագրական այս պաստառը։
Մենք որոնում, գտնում, ստեղծում ենք գաղափարները ու դրանք վերածում արտադրանքի, որ հրապարակելիս վստահորեն գրենք՝ մեր արտադրանքը ։)
Անի Ղուլինյան
Անիմացիայի դասին պաստառ պատրաստելու առաջադրանքի համար ուսանողների մի մասին որոշեցի նկարել նույն ոճով, իսկ Մերիի այլմոլորակայինի ակնոցը լավագույնս օգնեց այդ հարցում։
Միլենա Բարսեղյան
Սա Հենրիկ Էդոյանի «Լույսը ձախ կողմից» ժողովածուի շապիկի իմ տարբերակն է։ Գիրքն ինքս ինձ նվիրել էի ծննդյանս առթիվ ու բանաստեղծություններում «հոսող» մտքերի տրամադրությունը փորձել եմ վիզուալ արտահայտել կազմի վրա։
Մերի Ստեփանյան
Կաթով թեյերը Չինաստանում շատ հայտնի են և սիրված։ Վերջերս մեծ տարածում ու սեր են սկսել վայելել նաև Հայաստանում: Ես էլ որոշեցի հետ չմնալ ու մտածել կաթով թեյերի բիզնես հիմնելու մասին։ Առաջին քայլը՝ պաստառի ստեղծումն արդեն արված է:
Մարինե Հովակիմյան
Խորհրդային շրջանում գործող լամպերի գործարանը փակվել է 2008 թվականին: Պաստառը երևակայորեն այդ շրջան տեղափոխված մի ֆիլմի մասին է, որը նկարագրում է նույն առարկան՝ պատրաստված մարդու ձեռքով և ավտոմատացված մեքենայով:
Աննա Արզումանյան
Մարիո Պյուզոյի «Կնքահայր»-ը ստեղծագործությունը առաջին անգամ կարդացել եմ 15 տարեկանում։ Գիրքն ունենալու համար օրեր շարունակ համոզել եմ մայրիկիս, որ իր գրադարանից թույլ տա վերցնեմ։ Չեմ փոշմանում։ Գրքում իմ ամենասիրելի կերպարը Մայքլ Կարլեոնեն է, ում էլ ընտրեցի որպես պաստառի հերոս։
Գոհար Պետրոսյան
«First Love»
Պաստառը աշխարհահռչակ BTS խմբի ռեփեր Մին Յունգիի «First Love» երգի համար է: Կորեերեն տեքստը երգի բառերից է՝ «Իմ հիշողության անկյունում, մի կողմում դրված էր շագանակագույն դաշնամուրը»:
Նարեկ Ալեքսանյան
Գիտակից տարիքում, երբ սկսեցի ֆիլմեր դիտել, մի օր դրանք ինքս նկարելու երազանք առաջացավ։ Այն իրականություն դարձնելու համար դեռ շատ ժամանակ կա։ Չեմ համբերել ու պատրաստել եմ ապագա ֆիլմիս պաստառը։
Կհանդիպենք ֆիլմի պրեմիերային։
Սյուզաննա Պետրոսյան
Ապագա Ֆիլմիս պաստառն է, որը լինելու է աղբի վերամշակման գործընթացի մասին:
Պաստառի լուսանկարը նկարել եմ 2017թ. Ծաղկահավաքի ժամանակ, երբ փոքրիկ Թինան խաղում էր Ծիծեռնակաբերդ այցելած պապիկի հետ՝ նրան փոխանցելով ծաղկաթերթերը, որոնք օգտագործվելու էին թղթի և մոմի վերամշկակման մեջ։
Լուսինե Բեքարյան
Նալբանդյան 106/1, Սայաթ-Նովա բիզնես կենտրոն, Երևան, 0001: