Հետք Մեդիա Գործարանը «Հետաքննող լրագրողներ» հասարակական կազմակերպության նախագիծն է։ Հետքն արդեն 20 տարի հետաքննական ու պատասխանատու լրագրության առաջատարն է Հայաստանում։

Հետք Մեդիա Գործարանը կրթվել և ստեղծագործել սիրող անձանց հանդիպման և համագործակցության վայր է։

Մեր նպատակն է մասնագիտական բարձորակ կրթության միջոցով հայկական մեդիա դաշտն ապահովել երիտասարդ, բանիմաց, մրցունակ ու պատասխանատու մասնագետներով։ Մենք վստահ ենք՝ որակյալ մասնագետներն են երկրի զարգացման հիմքը։

Մեր շրջանավարտները պահանջված են լրատվամիջոցներում, նրանց աշխատանքներն արժանանում են մրցանակների և մասնագիտական բարձր գնահատականների։

Մեր կիզակետում մարդն է ու մարդկային պատմությունը։ Մենք սովորում ենք պատմել՝ գրելով, լուսանկարելով, տեսագրելով, քարտեզագրելով, հետաքննելով, ամենակարևորը՝ սիրով։